Prishtinë, 2 shtator 2020  

Kryetari i Bashkësisë Islame të Kosovës, Myftiu Naim ef. Tërnava priti në takim kryetarin e Shoqatës “Miqtë e Amerikës” z. Agim Rexhepi. 

Me këtë rast Myftiu Tërnava falënderoi mysafirët për vizitën dhe i njohu ata me aktivitetin dhe organizimin e Bashkësisë Islame të Kosovës, duke vënë në pah se Kosova vlerëson dhe është mirënjohëse për ndihmën dhe kontributin e pazëvendësueshëm që kanë dhënë Shtetet e Bashkuara të Amerikës për lirinë dhe pavarësinë e Kosovës si dhe për mbështetjen e Kosovës në të gjitha proceset e deritanishme.  

Nga ana e tij Agim Rexhepi, kryetar i  Shoqatës “Miqtë e Amerikës” falënderoi Myftiun Tërnava për mikpritjen dhe e informoi për aktivitetet e Shoqatës, për projektet dhe objektivat. Myftiu Tërnava ka vlerësuar lart kontributin e Shoqatës “Miqtë e Amerikës” në forcimin e bashkëpunimit mes Kosovës dhe SHBA-ve dhe është një shembull që duhet ndjekur edhe me shtetet tjera mike të Kosovës anekënd globit.

Shfaq më shumë në Lajme

Shfleto

Myftiu Tërnava mori pjesë në iftarin e shtruar nga emiri i Katarit

Prishtinë, më 18 mars 2024 Me ftesë të emirit të Katarit, shejh Temim bin Hamad al Thani, …