Prishtinë, 27 nëntor 2018
Kryetari i Bashkësisë Islame të Kosovës, Myftiu Naim ef. Tërnava, priti sot në takim kryetarin e partisë Fjala, z. Gëzim Kelmendin, i cili shoqërohej nga anëtarët e kryesisë së kësaj partie.
Myftiu Tërnava fillimisht iu uroi mirëseardhje mysafirëve, e më pas i njohu me punët, angazhimet dhe të arriturat e Kryesisë së Bashkësisë Islame.
Nga ana e tij, kryetari Kelmendi e falënderoi Myftiun Tërnava për pritjen dhe njëherazi e uroi atë për zgjedhjen edhe për një mandat në krye të institucionit të Bashkësisë Islame të Kosovës, duke e uruar për punë të mbarë dhe të suksesshme.
