Prishtinë, më 30 shtator 2022
Kryetari i Bashkësisë Islame të Kosovës, Myftiu Naim ef. Tërnava, priti në takim drejtorin e përgjithshëm të Fondacionit të Vakëfeve të Dijanetit të Turqisë, Izani Turan.
Myftiu Tërnava së pari i shprehu mirëseardhje, e më pas e njohu atë me aktivitetin dhe organizimin e jetës fetare dhe edukative që bën Kryesia e BIK-ut në vend. Myftiu Tërnava falënderoi qeverinë dhe popullin e Turqisë, të cilët kanë kontribuar shumë për përmirësimin e infrastrukturës së BIK-ut, duke theksuar kështu se Turqia vazhdimisht ka ofruar ndihmë dhe mbështetje për shtetin e Kosovës gjatë luftës, por edhe pas përfundimit të saj. Populli i Kosovës asnjëherë nuk do ta harrojë këtë mirësi. Ai tha se kanë një bashkëpunim të shkëlqyer me Dijanetin e Turqisë, për çka shprehu falënderimet e tij për ndihmën që janë duke dhënë për ndërtimin e Xhamisë Qendrore në Prishtinë.
Edhe drejtori i përgjithshëm i Fondacionit të Vakëfeve të Dijanetit të Turqisë, Izani Turan, falënderoi Myftiun Tërnava për mikpritjen dhe premtoi se bashkërisht do të punojnë për realizimin e shumë projekteve në dobi të Kosovës.
![](https://i0.wp.com/bislame.net/wp-content/uploads/2022/09/IMG_9448.jpg?resize=850%2C567&ssl=1)
![](https://i0.wp.com/bislame.net/wp-content/uploads/2022/09/IMG_9472.jpg?resize=850%2C566&ssl=1)
![](https://i0.wp.com/bislame.net/wp-content/uploads/2022/09/IMG_9453.jpg?resize=850%2C567&ssl=1)
![](https://i0.wp.com/bislame.net/wp-content/uploads/2022/09/IMG_9457.jpg?resize=850%2C567&ssl=1)
![](https://i0.wp.com/bislame.net/wp-content/uploads/2022/09/IMG_9465.jpg?resize=850%2C567&ssl=1)
![](https://i0.wp.com/bislame.net/wp-content/uploads/2022/09/IMG_9466.jpg?resize=850%2C567&ssl=1)