Myftiu Tërnava priti në takim drejtorin e Fondacionit “Maarif” në Kosovë, z. Mesut Ozbaysar Prishtinë, 22 nëntor 2018 Kryetari i Bashkësisë Islame të Kosovës, Myftiu Naim ef. Tërnava, priti në takim drejtorin e Fondacionit “Maarif” në Kosovë z. Mesut Ozbaysar. Myftiu Tërnava pasi i dëshiroi mirëseardhje mysafirit, e njohu atë me aktivitetet që po zhvillon BIRK-u, në jetën fetare, si dhe theksoi marrëdhëniet e mira që ka BIRK-u me Fondacionin “Maarif”. Nga ana e tij drejtori i Fondacionit “Maarif” në Kosovë z. Mesut Ozbaysar, theksoi se deri më tani kanë pasur një bashkëpunim shumë të mirë me BIRK-un, si dhe uroi që ky bashkëpunim të vazhdojë edhe më tutje në të ardhmen. Ai po ashtu uroi Myftiun Tërnava për mandatin e ri në krye të BIRK-ut, duke i dëshiruar shëndet dhe suksese në punë.
