Myftiu Tërnava mori pjesë në iftarin e Këshillit të BI-së së Pejës

Prishtinë, më 11 prill 2022

Kryetari i Bashkësisë Islame të Kosovës, Myftiu Naim ef. Tërnava, i shoqëruar nga bashkëpunëtorët e tij ka marrë pjesë në iftarin e shtruar nga Këshilli i Bashkësisë Islame të Pejës. Në këtë iftar morën pjesë edhe kryetarët e komunave Pejë, Klinë, Deçan, zëvendëskryetari i Komunës së Junikut, zyrtarë nga policia e Kosovës, hoxhallarë, si dhe të ftuar të tjerë.

Fillimisht, mysafirët i përshëndeti kryetari i Këshillit të Bashkësisë Islame të Pejës, Musli ef. Arifaj, i cili falënderoi ata për pjesëmarrjen dhe i uroi për muajin Ramazan, me lutjet te Zoti për agjërim të pranuar.

Një fjalën e tij përshëndetëse, Myftiu Tërnava vlerësoi dhe çmoi punën dhe angazhimin e imamëve për mbarëvajtjen e jetës fetare në vend. Ai uroi edhe njëherë gjithë imamët për muajin e bekuar Ramazan, duke lutur Zotin që t’ua pranojë agjërimin dhe punët e mira që i bëjnë gjatë këtij muaji të bekuar. Myftiu Tërnava kërkoi edhe njëherë nga gjithë imamët që të jenë edhe më të përkushtuar në misionin e tyre dhe që të jenë sa më pranë xhematit sidomos gjatë muajit Ramazan.

Shfaq më shumë në Lajme

Shfleto

Imami i Qabesë fali namazin e xhumasë në xhaminë “Sulltan Mehmet Fatih” në Prishtinë

Prishtinë, më 30 shtator 2022 Imami i Qabesë, Abdullah Avad el-Xhuheni, ka falur sot namaz…