6 shtator 2019
Kryetari i Bashkësisë Islame të Kosovës, Myftiu Naim ef. Tërnava, i shoqëruar nga një pjesë e kabinetit të tij, si dhe nga kryetari i Këshillit të Bashkësisë Islame të Drenasit, Valon ef. Bequku, sot inspektuan punimet në objektin e Këshillit të Bashkësisë Islame të Drenasit.
Myftiu Tërnava pa nga afër punimet dhe u informua nga përgjegjësit mbi ecurinë dhe mbarëvajtjen e punimeve. Ai u nda i kënaqur me punimet, pasi që institucionet e Bashkësisë Islame dita-ditës po ndërtojnë dhe po përmirësojnë infrastrukturën e objekteve fetare për të përmirësuar jetën dhe lehtësuar kryerjen e obligimeve fetare.
