Prishtinë, më 13 dhjetor 2022
Kryetari i Bashkësisë Islame të Kosovës, Myftiu Naim ef. Tërnava së bashku me zëvendëskryetarin e Dijanetit të Turqisë, Selim Argun, panë nga afër punishten e Xhamisë Qendrore në Prishtinë.
Myftiu i Kosovës e njohu për së afërmi zv/kryetarin e Dijanetit për punimet e ndërtimit të xhamisë, për pamje që do të merr pas ndërtimit kjo xhami, si dhe për rëndësinë e veçantë që do të ketë për kryeqytetin, duke veçuar nevojën e madhe të besimtarëve për një xhami të tillë.
Zv/kryetari i Dijanetit, Selim Argun, u shpreh i kënaqur me punimet në ndërtimin e kësaj xhamie. Ai tha se ndjehet i lumtur që qytetarët e Prishtinës do të kenë një xhami të tillë ku do t’i kryejnë obligimet fetare dhe se për këtë gjë ka arritur të kontribuojë edhe Dijaneti i Turqisë.
Që nga dhënia e lejes nga Komuna e Prishtinës, punimet në ndërtimin e kësaj xhamie janë intensifikuar në mënyrë që kjo xhami të jetë e gatshme për faljen e namazeve për besimtarët mysliman.
