Prishtinë, më 20 dhjetor 2023
Kryetari i Bashkësisë Islame të Kosovës, Myftiu Naim ef. Tërnava me bashkëpunëtorë, së bashku me kryeministrin e Kosovës, z. Albin Kurtin dhe ministrin e Kulturës, Rinisë dhe Sportit, z. Hajrulla Çeku, vizituan xhaminë e “Osman Efendisë” apo Xhaminë e Çarshisë së Novobërdës, për të parë nga afër punimet në restaurimin e kësaj xhamie.
Ata u ndanë të kënaqur me gjithë punën që është bërë në restaurimin e kësaj xhamie, e cila përveç që shërben për kryerjen e riteve fetare, qëndron e hapur për vizitorë nga vende të ndryshme të botës.
Myftiu Tërnava mes të tjerash tha se Bashkësia Islame e Kosovës është thellë e përkushtuar në ruajtjen e trashëgimisë kulturore islame të vendit tonë.
Xhamia e “Osman Efendiut” është rikonstruktim i shekullit XVIII dhe është në proces të restaurimit që nga fundviti i kaluar. Procesi i restaurimit është duke u mbështetur nga BE-ja dhe duke u implementuar nga zyra e UNDP-së në Kosovë.
Ajo është ndër së paku pesë xhamitë sa ishin ndërtuar në periudhën osmane, 1455, shek. XV në qytetin e Novobërdës.
![](https://i0.wp.com/bislame.net/wp-content/uploads/2023/12/Novoberda.jpeg?resize=850%2C566&ssl=1)
![](https://i0.wp.com/bislame.net/wp-content/uploads/2023/12/Novoberda1.jpeg?resize=850%2C566&ssl=1)
![](https://i0.wp.com/bislame.net/wp-content/uploads/2023/12/Novoberda3.jpeg?resize=850%2C566&ssl=1)
![](https://i0.wp.com/bislame.net/wp-content/uploads/2023/12/Novoberda4.jpeg?resize=850%2C566&ssl=1)
![](https://i0.wp.com/bislame.net/wp-content/uploads/2023/12/Novoberda10.jpg?resize=850%2C567&ssl=1)
![](https://i0.wp.com/bislame.net/wp-content/uploads/2023/12/Novoberda9.jpg?resize=850%2C567&ssl=1)
![](https://i0.wp.com/bislame.net/wp-content/uploads/2023/12/Novoberda8.jpg?resize=850%2C567&ssl=1)
![](https://i0.wp.com/bislame.net/wp-content/uploads/2023/12/Novoberda7.jpg?resize=850%2C567&ssl=1)
![](https://i0.wp.com/bislame.net/wp-content/uploads/2023/12/Novoberda6.jpg?resize=850%2C599&ssl=1)
![](https://i0.wp.com/bislame.net/wp-content/uploads/2023/12/Novoberda5.jpg?resize=850%2C598&ssl=1)