Sot, 7 shkurt 2014, para namazit të xhumasë, në xhaminë e Shipolit në prani të një numri të madh të qytetarëve, e ku qe i pranishëm edhe Myftiu i Kosovës, mr. Naim Tërnava, familja Syla ia fali gjakun e djalit familjes Hyseni.
Ndryshe, Astrit Syla ishte viktimë e dhunës që po mbretëron kohëve të fundit në shkollat tona, ku ai ishte therur me thikë nga shoku i tij i klasës, në shkollën e mesme teknike “Arkitetk Sinani“, në Mitrovicë.

Për pajtimin e dy familjeve me iniciativën e Myftiut Tërnava është angazhuar imami i xhamisë së Shipolit, Fatmir ef. Latifi.
Para të pranishmëve babai i maturantit Astrit Syla, Arsimi tha: “Lutem që Zoti i madh, djalin tim  të ma dërgon në xhenet. Falënderoj popullin shqiptar prej katër anëve të shqiptarisë që na kanë mbështet, andaj vetëm i madhi Zot  mund me shpërblye. Dhashtë Zoti  mos të ketë më asnjë rast të tillë!”.
Myftiu Tërnava tha  ky veprim është akt burrërie e respekti i kësaj familjeje për institucionet e vendit dhe përkushtim për çrrënjosjen e hasmërive për hir të Krijuesit dhe pastaj të gjeneratave të reja.
“Vetëm i madhi Zot ka fuqinë që t’ju shpërblej, dhe Zoti ju bëftë prej atyre që të jeni shembull për mirëqenien e kombit tonë, atdheut tonë dhe sigurisë së vendit tonë!”-tha ndër të tjerat, Myftiu Tërnava. 
Kryetari i Mitrovicës Agim Baftiri pasi përshëndeti familjen Syla dhe gjithë të pranishmit u shpreh: “Uroj e lutem që ky të jetë rasti i fundit i ngatërresave të tilla  mes nesh”.

Shfaq më shumë në Lajme

Shfleto

Myftiu Tërnava priti në takim ambasadorin jorezident të Katarit, z. Jabor Ali Hussein al Hawashela al Dosari

Prishtinë, më 23 shkurt 2024 Kryetari i Bashkësisë Islame të Kosovës, Myftiu Naim ef. Tërn…