Ministri Zemaj priti në takim sekretarin e përgjithshëm të BI të Kosovës Ahmet Sadriun Prishtinë, 22 tetor 2020Ministri i Shëndetësisë i Republikës së Kosovës, z. Armend Zemaj, priti sot në takim sekretarin e përgjithshëm të Kryesisë së Bashkësisë Islame të Kosovës Ahmet ef. Sadriun. MInistri Zemaj me këtë rast falënderoi dhe çmoi lartë institucionin e BIRK-ut për kontributin dhe përkrahjen e rëndësishme që ka ofruar Myftiu Tërnava dhe BIRK-u-në përgjithësi në menaxhimit të situatës epidemiologjike në vend.Nga ana e tij sekretari e përgjithshëm të Kryesisë së Bashkësisë Islame të Kosovës Ahmet ef. Sadriun falënderoi ministrin Zemaj për pritjen duke theksuar nevojën e përkushtimit dhe solidaritetit në përballimin e kësaj sfide globale të shëndetit publik. Ai mw pas e informoi ministrin Zemaj për menaxhimin e deritanishëm nëpër xhamitë e Kosovës dhe zbatimin e masave kundër Covid-19. Sadriu po ashtu tha se të gjitha aktivitetet dhe ceremonitë fetare i nënshtrohen masave dhe rekomandimeve të IKSHP-së si dhe protokolleve të OBSH-së lidhur me pandeminë COVID 19.Ishte konkluzion i përbashkët që bashkëpunimi midis MSh dhe BIRK t’i shërbejë ruajtjes së shëndetit publik të popullatës së Kosovës.
