Mesazh urimi për ipeshkvin Dodë Gjergji

I nderuari ipeshkëv, Dodë Gjergji

Me rastin e festës së Kërshëndellave, me respekt të veçantë kam nderin t’ju dërgoj këtë mesazh urimi Juve, meshtarëve tuaj, si dhe të gjithë vëllezërve të krishterë duke ju dëshiruar në këtë festë më të mirat për ju, e para së gjithash shëndet, mbarësi e lumturi.
Vlerat dhe mësimet hyjnore s’ka dyshim se janë rruga më e mirë për formimin, edukimin dhe fisnikërimin shoqërisë.


Kërshëndella, është moment i veçantë që simbolizon e përkujton lindjen dhe jetën. Kjo festë sipas parimeve kristiane përçon në mënyrën më të mirë mesazhin për ndërtimin e shoqërisë së shëndosh e humane.
Zotni Ipeshkëv, festat fetare te ne gjithherë kanë qenë momente që na kanë bashkuar në të mirë, nga të cilat kemi mësuar e kultivuar tolerancën, harmoninë, ndërgjegjësimin për paqen e respektin e dashurinë për tjetrin. Këto vlera e mësime më së miri dolën në pah edhe në përballje me COVID-19, një ndër sfidat më të rënda me të cilat po përballet njerëzimi në këto dy vite.

Zotni Ipeshkëv, nëpërmjet jush, uroj e përgëzoj edhe të gjithë praninë ndërkombëtare katolike në Kosovë.
Duke ju përshëndetur, edhe njëherë Ju dëshiroj shëndet, mbarësi e lumturi.
Gëzuar e paçi harmoni e gëzime në familjet tuaja!

Prishtinë, 24 dhjetor 2021

Me respekt,
Myftiu i Kosovës
Naim ef. Tërnava

  • Tender

    Prishtinë, 6 janar 2022 Kryesia e Bashkësisë Islame të Republikës së Kosovës Shpall:Tender…
  • Konkurs

    Datë: 5 janar 2022Këshilli i Bashkësisë Islame në Viti, shpallë: K O N K U R S Për plotësi…
  • Konkurs

    Datë: 21 dhjetor 2021Këshilli i Bashkësisë Islame në Ferizaj, shpallë: K O N K U R S Për p…
Shfaq më shumë në Njoftime

Shfleto

Tender

Prishtinë, 6 janar 2022 Kryesia e Bashkësisë Islame të Republikës së Kosovës Shpall:Tender…