Prishtinë, 20 gusht 2013

Kuvendi i Bashkësisë Islame të Kosovës, në mbledhjen e jashtëzakonshme me 23 vota për, e një abstemim,  shkarkoi kryetarin e deritashëm të Kuvendit të BIK, Xhabir Hamitin. Këtë vendim kuvendarët e morën në bazë të nenit 73 të Kushtetutë së Bashkësisë Islame të Kosovës. Po ashtu Kuvendi vendosi  që të mblidhet më 29 gusht në seancë tjetër.

Kuvendi i BIK, qe thirrur në mbledhje të rregullt, mirëpo pas 6 orë diskutimesh nuk u arrit të miratohet rendi i ditës, ngase kryetari i Kuvendi, Xhabir Hamiti në mënyrë kategorike kundërshtonte propozimin e shumicës së kuvendarëve që të futen në rend të ditës për diskutim edhe drafti  për ndryshimet e Kushtetutës së BIK, draft ky që është punuar nga komisioni kushtetues i mandatuar nga kuvendi i Bashkësisë Islame të Kosovës.
Pas një debati të stërzgjatur prej më shumë se 6 orësh, kryetari Xhabir Hamiti në mënyrë arbitrare ndërpret mbledhjen e rregullt të Kuvendit të BIK duke mospërfillur shumicën absolute të delegatëve.
Anëtarët e Kuvendit, 24 prej tyre (nga 30 sa i ka Kuvendi i BIK), të mllefosur dhe të indinjuar nga ky veprim i kryetarit Hamiti, nuk pranuan që të dalin nga salla, por me kërkesë të tyre të nënshkruar vendosën që të mbajnë mbledhje të jashtëzakonshme.

Shfaq më shumë në Lajme

Shfleto

Myftiu Tërnava priti në takim zv/ministrin e Jashtëm të Turqisë, z. Yasin Ekrem Serim

Prishtinë, më 28 mars 2024 Kryetari i Bashkësisë Islame të Kosovës, Myftiu Naim ef. Tërnav…