Prishtinë, më 19 dhjetor 2023
Kryetari i Bashkësisë Islame të Kosovës, Myftiu Naim ef. Tërnava, ka pritur sot në takim kryetarin e Komunës së Klinës, z. Zenun Elezaj, i cili shoqërohej edhe nga administrata e Këshillit të BI-së së Klinës.
Myftiu Tërnava falënderoi kryetarin Elezaj për vizitën dhe për bashkëpunimin e deritanishëm me Bashkësinë Islame në përgjithësi, por edhe me Këshillin e BI-së së Klinës. Ai tha se një bashkëpunim i tillë duhet të vazhdohet edhe në të ardhmen, gjithnjë për të mirën e besimtarëve dhe qytetarëve tanë.
Nga ana e tij, kryetari Elezaj, fillimisht uroi Myftiun Tërnava për rizgjedhjen e tij në krye të institucionit të Bashkësisë Islame të Kosovës, duke çmuar dhe vlerësuar lart rolin dhe kontributin që ka dhënë Myftiu Tërnava dhe Bashkësia Islame e Kosovës për tolerancën dhe bashkëjetesën ndërmjet besimeve të ndryshme në Kosovë. Ai tha se si institucion kanë një bashkëpunim të mirë me Këshillin e BI-së së Klinës.
![](https://i0.wp.com/bislame.net/wp-content/uploads/2023/12/727141d6-85f3-458e-b122-4f30b3b3d4c5.jpg?resize=850%2C566&ssl=1)
![](https://i0.wp.com/bislame.net/wp-content/uploads/2023/12/26fe7824-0901-47d3-91ce-31b4f9d3e4c3.jpg?resize=850%2C566&ssl=1)
![](https://i0.wp.com/bislame.net/wp-content/uploads/2023/12/1c941239-46d3-4500-a13c-084b49ee9599.jpg?resize=850%2C566&ssl=1)
![](https://i0.wp.com/bislame.net/wp-content/uploads/2023/12/9b43c13f-04a0-406c-9317-14db1ec2d4f2.jpg?resize=850%2C566&ssl=1)