Prishtinë, 20 korrik 2020
Kryetari i Bashkësisë Islame të Kosovës, Myftiu Naim ef. Tërnava ka vizituar kryeministrin e Republikës së Kosovës, Avdullah Hotin, me të cilin bisedoi për gjendjen aktuale në vendin tonë nga pandemia globale “Covid-19” si dhe për menaxhimin e pandemisë dhe mundësitë për rimëkëmbjen ekonomike të vendit.
Gjatë këtij takimi, Myftiu Tërnava u informua edhe për proceset e rëndësishme që është duke kaluar Kosova, në veçanti me dialogun e ndërmjetësuar nga Bashkimi Evropian për normalizimin e marrëdhënieve Kosovë – Serbi.
Kryeministri Hoti, falënderoi Myftiun Tërnava për kontributin dhe angazhimin gjatë pandemisë “Covid-19”, ku me anë të imamëve në vazhdimësi ka përçuar mesazhet sensibilizuese për parandalimin e pandemisë “Covid-19”.
Në anën tjetër, Myftiu Tërnava, falënderoi kryeministrin z. Hotin, për punën dhe angazhimin në çështjen e pandemisë, por edhe në të gjitha aspektet e tjera, duke lutur Zotin që qytetarët e Kosovës ta kalojnë sa më lehtë këtë pandemi dhe t’i kthehen jetës normale.
