Prishtinë, më 13 prill 2023

Kryetari i Bashkësisë Islame të Kosovës, Myftiu Naim ef. Tërnava, i shoqëruar nga bashkëpunëtorët e tij ka marrë pjesë sonte në iftarin e shtruar nga kryeministri i Kosovës, z. Albin Kurti, i cili shoqërohej nga ministri i Kulturës, Rinisë dhe Sportit, z. Hajrulla Çeku.

Kryeministri Kurti u uroi agjërim sa më të lehtë të ditëve të​ mbetura të këtij muaji të shenjtë për besimtarët myslimanë.

“Muaji Ramazanit është muaj i devotshmërisë, mirësjelljes me njerëzit përreth dhe ndihmës për atë në nevojë. Në iftare të përbashkëta si sonte përcjellim mesazhin e tolerancës, solidaritetit dhe mirësisë” – u shpreh kryeministri Kurti.

Nga ana e tij, Myftiu Tërnava falënderoi kryeministrin Kurti për shtrimin e këtij iftari, duke potencuar kështu përkushtimin e institucionit të Bashkësisë Islame të Kosovës për promovimin e paqes dhe vlerave humane në vend.

Shfaq më shumë në Lajme

Shfleto

Myftiu Tërnava vizitoi për ngushëllime familjen e haxhi Muharrem Gashit

Prishtinë, më 18 qershor 2024 Kryetari i Bashkësisë Islame të Kosovës, Myftiu Naim ef. Tër…