Prishtinë, më 10 prill 2023
Për nder të muajit të bekuar Ramazan, Komuna e Graçanicës, shtroi sonte iftar për komunitetin mysliman në këtë komunë.
Fillimisht të pranishmit në këtë iftar i përshëndeti nënkryetari i Komunës së Graçanicës, Leutrim Ajeti, i cili iu dëshiroi mirëseardhje mysafirëve në këtë iftar.
Pjesë e këtij iftari ishte edhe kryeimami i Bashkësisë Islame të Kosovës, Vedat ef. Sahiti, i cili falënderoi Komunën e Graçanicës për shtrimin e këtij iftari. Ai foli shkurtimisht edhe rreth vlerave dhe begative që sjellë muaji Ramazan.
Në këtë iftar morën pjesë edhe nënkryetari i Komunës së Novobërdës, Bajrush Imeri, nënkryetari i Komunës së Lipjanit, Diamant Bytyqi dhe nënkryetari i Komunës së Obiliqit, Ibush Mjekiqi, përfaqësues të Bashkësisë Islame të Kosovës, Policisë së Kosovës, OSBE-së, UN, si dhe bashkëpunëtorë të tjerë të komunës.
![](https://i0.wp.com/bislame.net/wp-content/uploads/2023/04/IMG-20230410-WA0008.jpg?resize=720%2C540&ssl=1)
![](https://i0.wp.com/bislame.net/wp-content/uploads/2023/04/IMG-20230410-WA0009.jpg?resize=720%2C540&ssl=1)