TELEGARMURIMI

Prishtinë, 23 dhjetor 2015
Me rastin e festës së Kërshëndellave, Myftiu i Kosovës, Mr. Naim Tërnava sot ka uruar e përgëzuar Ipeshkvin Dodë Gjergji dhe të gjithë besimtarët katolikë. Në urimin e Myftiut Tërnava, thuhet:

TELEGARMURIMI
I nderuar Ipeshkëv Dodë Gjergji
Me rastin e Kërshëndellave, Juve, të gjithë meshtarëve dhe besimtarëve katolikë, kam nderin dhe respektin që t’ju përgëzoj me urimet më të sinqerta .
Kërshëndellat kanë për simbolikë lindjen, e cila te njerëzimi sjell mesazhin  e lajmit të mirë që reflekton gëzimin, mirësinë e dashurinë.
Populli ynë gjithherë është solidarizuar me gëzimin e hidhërimin e vëllait; është kjo vlerë që e kultivuan paraardhësit tanë, të cilët na i lanë amanet urtësinë, respektin për tjetrin dhe mbi të gjitha vëllazërinë tonë.
I nderuar Ipeshkëv
Në këtë ditë feste, duke Ju uruar ngrohtësi e lumturi Juve dhe besimtarëve Tuaj edhe një herë, shpreh përkushtimin e Bashkësisë Islame të Kosovës për të kultivuar mirëkuptimin, paqen, dashurinë e vëllazërinë si vlera të pacenuara të populli tonë.
Me respekt,
Myftiu i Kosovës
Naim efendi Tërnava

Shfaq më shumë në Njoftime

Shfleto

“Të Allahut jemi dhe tek Ai do të kthehemi”

Sot, bota islame humbi një ndër dijetarët më të mëdhenj bashkëkohor, në fushën e fikhut, s…