Myftiu Tërnava takoi kryetarin e Vitisë Sokol Haliti

Prishtinë, 28 mars 2014
Myftiu i Kosovës, Mr. Naim Tërnava i shoqëruar nga bashkëpunëtorët,  zhvilloi një takim me udhëheqjen komunale të Vitisë, ku u pritë nga kryetari i komunës, Sokol Haliti. Fillimisht, myftiu  Naim Tërnava, uroi e përgëzoi kryetarin e Vitisë për detyrën e re, e më pas  theksoi se Bashkësia Islame e Kosovës në vazhdimësi është angazhuar t’i ndihmoi proceset pozitive në vend.

Myftiu në bisedë më udhëheqjen e Vitisë u shpreh se Bashkësia Islame  ka dhënë një kontribut në shtetndërtimin e vendit, si dhe do të angazhohet që së bashku me gjitha institucionet të ecim përpara në forcimin e shtetit të Kosovës. Gjatë takimit me kryetarin e komunës së Vitisë Sokol Halitin, myftiu Tërnava u interesua për  zhvillimet e gjithmbarshme në këtë komunë, me theks të veçantë në zhvillimin e procesit edukativo-arsimor.
Kryetari Haliti e njohu myftiun me aktivitetet komunale dhe planet për të ardhmen, ndërkohë ka vlerësuar lartë bashkëpunimin me degën e Bashkësisë Islame në Viti. Në këtë takim janë shqyrtuar edhe mundësit për realizimin e projekteve të përbashkëta të komunës me BIK-un dhe për bashkëpunimin në të ardhmen. Kryetari i komunës Sokol Haliti në shenjë respekti, ka nderuar myftiun Tërnava me një mirënjohje.

Shfaq më shumë në Lajme

Shfleto

“Të Allahut jemi dhe tek Ai do të kthehemi”

Njoftojmë kolegët, miqtë dhe opinionin e gjerë se sot, më 23 mars 2023, ndërroi jetë në mo…