Në ditën e dytë të muajit të bekuar të Ramazanit, (10 korrik), pronari restorantin “Park”, (Kaçanik), Vebi Koxha, si tradicionalisht edhe në këtë Ramazan, shtroi iftar të përbashkët ku përpos përfaqësuesve të Këshillave të Bashkësisë Islame të Ferizajt, Kaçanikut, hoxhallarë, xhematlinj, të ftuar ishin edhe përfaqësues nga Kryesia e BIK-së nën udhëheqjen e Myftiut të Republikës së Kosovës mr. Naim ef Tërnava.
Me këtë rast një fjalë rasti mbajti Myftiu Tërnava, i cili luti Allahun xh.sh që agjërimin tonë të na e pranojë dhe njëherazi falënderoi shtruesin e këtij iftari duke e lutur Allahun xh ,sh, që ta begatoj me të mirat e Tij të pakufishme në këtë dhe në botën tjetër. Ai mes tjerash tha se edhe në këtë vit sikurse viteve të kaluara BIK-së, ka bërë të gjitha përgatitjen që në këtë muaj të ketë aktiviteteve të ndryshme fetare nëpër xhamitë e Kosovës, ku në këtë muaj shtohet numri i xhematit dhe imamët si çdo herë të jenë më afër dhe në shërbim të xhematit. Në këtë vit kemi sjellë në Kosovë 40 imam nga Libia dhe Turqia, shumica e tyre janë hafiza që do të jenë në shërbim të xhematit tonë dhe lus të gjithë imamët që mos të hezitojnë dhe të na kontaktojnë në mënyrë që këta hafiza të jenë mysafir nëpër xhamitë e tyre për ta begatuar edhe më shumë atmosferën e këtij muaji të bekuar.
Në këtë iftar morën pjesë edhe dy mysafir nga Libia që kanë ardhur si mysafir të BIK gjatë muajit të ramazanit dhe njëherazi falënderuan Myftiun Tërnava për të marrur pjesë në aktivitetet e Ramazanit dhe në iftarin që u shtrua për ta. Ata u impresionuan me atmosferën që po mbretëron në xhamitë e Kosovës e sidomos me pjesëmarrjen dhe prezencën e xhematit në namazet e teravive. {gallery}iftarpark{/gallery}
