Myftiu Tërnava po qëndron për vizitë në Abu Dhabi

Prishtinë, 30 mars 2015
Me ftesë të kryetarit të autoritetit federal për Vakëfe dhe Çështje Fetare të Emirateve të  Bashkuara Arabe, Dr. Muhamed Matar Al-Kaabi,  Myftiu i Kosovës, Mr. Naim ef. Tërnava po qëndron për  vizitë  treditore në Abu Dhabi.
Në aeroportin ndërkombëtar të Abu Dhabit Myftiu Tërnava me bashkëpunëtorët e tij u prit me pritje protokollare nga kryetari Dr. Al-Kaabi.

Sot, Myftiu Tërnava zhvilloi takim me Dr. Al-Kaabin, i cili Myftiun e falënderoi për vizitën e tij, si dhe e informoi me aktivitetet e institucionit më të lartë shtetëror për Vakëfe dhe Çështje Fetare në EBA. Myftiun Tërnava, gjithashtu, e informoi edhe me organizimin dhe funksionimin e këtij institucioni, që kujdeset për xhamitë, imamët, vakëfet dhe organizimin e jetës fetare.  Dr. Al-Kaabi foli edhe për përvojën dhe eksperiencën e tij dhe institucionit që ai udhëheq në organizimin dhe përdorimin e avancuar të teknologjisë.
Myftiu Tërnava e falënderoi nikoqirin për ftesën, duke i shprehur konsideratat më të larta të popullit të Kosovës, dhe duke falënderuar EBA-në për gjithë kontributin e dhënë për Kosovën, gjatë periudhave të ndryshme.
Myftiu e informoi nikoqirin edhe me organizimin e jetës fetare në Kosovë, me punën dhe veprimtarinë e BIK-ut, duke u ndalur veçanërisht në vlerat e larta të kultivimit të tolerancës dhe mirëkuptimin ndërfetar, si vlerë e artë e popullit të Kosovës.
Gjatë takimit të dy palët u dakorduan për përgatitjen e një protokolli të bashkëpunimit mes BIK-ut dhe autoritetit federal për Vakëfe dhe Çështje Fetare të EBA-së.
Myftiu Tërnava në EBA shoqërohet nga Ilmi ef. Krasniqi- anëtar i Kryesisë së BIK-ut, Kasim Gërguri- drejtor për financa në Kryesinë e BIK-ut, si dhe Besim Mehmeti, asistent në kabinetin e Myftiut Tërnava.{gallery}eba315{/gallery}

Shfaq më shumë në Lajme

Shfleto

Hfz. Shaqir ef. Fetahu dekretohet për Reisul Ulema i Maqedonisë së Veriut

Më 26 nëntor, nën organizimin e Rijasetit të Bashkësisë Fetare Islame të Maqedonisë së Ver…