Myftiu Tërnava priti një delegacion të Këshillit egjiptian për Çështje të Jashtme Prishtinë, 15 maj 2013 Myftiu i Kosovës, Naim Tërnava priti sot një delegacion nga Egjipti të kryesuar nga ambasadori, dr. Muhamed Shaker – drejtor i Bordit të Këshillit egjiptian për çështje të jashtme, i cili shoqërohej nga ambasadori, dr. Sayed Shalaby – drejtor ekzekutiv dhe ambasadori dr. Sayed el – Masry- këshilltar i lartë i Sekretarit të përgjithshëm të Organizatës së Bashkëpunimit Islamik, z. Ekmeluddin Ihsanoglu. Myftiu Tërnava pasi u shprehu mirëseardhje në Kosovës dhe i falënderoj për vizitën, mysafirëve u tha se Egjipti është një vend me histori e kulturë të lashtë, djep i civilizimeve si dhe një vend mik që zë vend të posaçëm në zemrat dhe mendjet e kosovare. Myftiu Tërnava i njohu mysafirët edhe më historikun e BIK, si organizimin e jetës fetare në Kosovës, institucionet e BIK, planet, sfidat dhe vështirësitë.Ndërsa, ambasadori Shaker në takim me Myftiun tha se vërtetë jemi të mahnitur me përparimin dhe zhvillimin që ka bërë Kosova pas luftës dhe është për ‘tu admiruar optimizmi i populli të Kosovës për të ardhmen, kur dihet që kanë vuajtur shumë për dekada.
