Prishtinë, 25 prill 2012

Të mërkurën, para namazit të drekës në një manifestim rasti në fshatin Çyshk të Pejës nisi ndërtimi i xhamisë, ku përpos banorëve të Çyshkut e rrethinës qe i pranishëm edhe Myftiu i Kosovës, Mr. Naim Tërnava i shoqëruar nga sekretari i Kryesisë, Resul ef. Rexhepi dhe Nexhmdin Hoxhaj -anëtar i Kryesisë së BIK. Të pranishëm qenë edhe Xhafer Demaj nga Kuvendi Komunal i Pejës, dr. Abdurrezak Edib nga Shoqata “Al Vakf”, Udhëheqësit e Këshillit të Bashkësisë Islame të Pejës më në krye Musli ef. Arifaj-kryetar, si dhe përfaqësues të fshatit.

 

{jathumbnail}Nevoja për xhami në Çyshk ka qenë e kamotshme, madje për këtë qëllim familja Shala që një kohë ka dhuruar 10 ari trual për xhaminë. Falë angazhimit të Këshillit të BI së Pejës dhe Myftiut Tërnava ndërtimin e xhamisë në këtë fshat e mori përsipër Shoqata “Al-Vakf” nga Arabia Saudite – misioni në Kosovë.
Duke ju drejtuar të pranishmëve të mbledhur në këtë manifestim, Myftiu Tërnava pasi përgëzoj vendasit dhe falënderoj donatorin, Kuvendin Komunal dhe familjen Shala, fillimisht tha se ndihet i privilegjuar që është sot në mesin e besimtarëve të Çyshkut.
“Të nderuar të pranishëm, për të ardhur deri tek kjo ditë që jemi sot është dhënë shumë nga populli ynë, sot këtu jemi për të nisur ndërtimin e xhamisë, e cila -me ndihëm e Zotit- së shpejti do jetë në dispozicion të besimtarëve të kësaj ane, për ta adhuruar Zotin në të.  Mirëpo, me  këtë rast duhet kujtuar të gjitha ata që kanë rënë për lirinë e vendit. Sot, ne këtu kujtojmë dëshmorët dhe viktimat që ka dhënë Çyshku, andaj duhet ditur se gjaku i tyre po shpërblehet me jetësimin e amanetit të tyre”- tha ndër të tjerat Myftiu Tërnava.
Përshëndetën e falënderuan edhe kryetari i KBI së Pejës, Musli Arifaj, përfaqësuesi nga komuna Xhafer Dema, Dr. Abdurrezak  Edib nga shoqata “Al-Vakf”, si dhe imami Nexhemdin Hoxha – xhamia e të cilit mbulon këtë territor deri në ndërtimin e xhamisë këtu.

Shfaq më shumë në Lajme

Shfleto

Myftiu Tërnava priti në takim ambasadorin jorezident të Katarit, z. Jabor Ali Hussein al Hawashela al Dosari

Prishtinë, më 23 shkurt 2024 Kryetari i Bashkësisë Islame të Kosovës, Myftiu Naim ef. Tërn…