Prishtinë, 14 maj 2018
Shoqata humanitare Bereqeti, e cila është organ i Kryesisë së Bashkësisë Islame të Kosovës, ndihmoi me 200 pako me artikuj ushqimorë banorët e Pukës. Kjo ndihmë i dedikohet Myftinisë së Pukës, për popullatën e nevojshme që jetojnë në territorin e Pukës me rastin e fillimit të muajit të bekuar të Ramazanit. Drejtori i kësaj shoqate Fitim Flugaj theksoi se do të vazhdohet edhe me ndihma të tjera që të jenë sa më afër shtresave që kanë nevojë të ndihmohen që edhe ata ta ndiejnë begatinë e Ramazanit.
