Prishtinë, më 19 mars 2024
KRYESIA E BASHKËSISË ISLAME E REPUBLIKËS SË KOSOVËS
F T E S Ë PËR OFERTË PËR
– MEDRESEN E MESME ALAUDDIN-PRISHTINË –
Kërkohet nga kompanitë e licencuara për ndërtim, të ofertojnë për renovimin e pjesshëm të ndërtesës së Medresesë së Mesme Alauddin në Prishtinë.
Forma e kontratës është çmim total për përfundimin e punimeve të përshkruara në vijim. Të ofertohet për të gjitha pozicionet e parapara gjerë në përfundim të tërësishëm të tyre pa material, vetëm puna. Materiali sigurohet nga Bashkësia Islame dhe kompania e kontraktuar bën llogarinë e sasisë së nevojshëm. I tërë procesi i renovimit të jetë në përputhje me legjislacionin e Republikën e Kosovës.
Punimet e kërkuara janë renovimi i mureve të brendshme të katit të parë të konviktit të Medresesë. Renovimi i mureve përfshin:
- largimi, gërryerja e pjesëve eventuale të shtresave së dëmtuara në sipërfaqet e mureve, gozhda, vida etj.
- lyerja me bazë (primer);
- rrafshimi i mureve dhe mbushja e të gjitha vrimava dhe fugave eventuale;
- vendosja e masës rrafshuese me rrjetë armimi në të gjitha sipërfaqet dhe këndet me kënde me rrjetë;
- vendosja e stiroporit rreth dritareve me ngjitës dhe kënde me rrjetë;
- pozicion shtesë është vendosja e një shtrese stiropori në formë shiriti 50cm dhe diku 80cm në disa pjesë të plafonit për fshehjen e kabllove të rrymës, skajet e të cilit duhet punuar me kënde dhe gjithashtu rrafshuar me masë rrafshuese dhe rrjetë e lyer sikurse sipërfaqet tjera; (Ky pozicion do të bëhet sipas udhëzimeve të arkitektit mbikëqyrës).
- rrafshimi me shtresë finale (glet);
- gërryerja (rrafshim me letër zalli)
- lyerja me bazë (primer);
- gëlqerosja e të gjitha sipërfaqeve me bojë të brendshme profesionale.
Dritaret dhe dyert duhet izoluar për mbrojtje nga përlyerja deri në përfundimin e punimeve.
Kriteret e vlerësimit të ofertueseve
Përveç kushtit të çmimit më të lirë, kualitet të realizimit të punimeve i cili paraprakisht do të merret në konsideratë për vlerësim në bazë të përvojës paraprake të ofertuesve, gjithashtu e rëndësishme është edhe kohëzgjatja e realizimit të punimeve.
I. Ofertuesi duhet të ja bashkëngjisë ofertës dokumentacionin si në vijim:
- Regjistrimi si operator ekonomik në regjistrin profesional, komercial dhe/ose të korporatës në vendin e tij të themelimit (kopje);
- Certifikatën se Biznesit (kopje);
- Certifikatën e TVSH-së (kopje);
- Një listë me punët e ngjashme të kryera deri më sot;
- Afati kohor per përefundimin e punimeve të kërkuara.
Kompanitë e interesuara mund ta shkarkojnë paramasën si tabelë Excel-i këtu,
Pyetjet tuaja mund t’i drejtoni në email adresën [email protected] deri më 25 mars 2024 ora 15:00. Gjithashtu ofertuesit duhet ta vizitojnë vendin e punimeve për ta parë objektin deri me datë 25 mars 2024 në ora 15:00 në Medresenë Alauddin në Prishtinë, ndërtesa e konviktit – kati 1.
Dorëzimi i ofertës së kompletuar duhet bërë deri më datë 29 mars 2023, ora 12:00, në adresën Kryesia e Bashkësisë Islame të Republikës së Kosovës, rruga “Bajram Kelmendi” nr. 182, 10000-Prishtinë.
Oferta duhet të përmbaj çmimin e punës pa TVSH dhe të jetë e vlefshme për një javë. Kohë për të cilën do të njoftoheni nëse jeni të zgjedhur për nënshkrim të kontratës.
Kryesia e Bashkësisë Islame e Kosovës mban të drejtën ekskluzive për përzgjedhjen e ofertuesit të suksesshëm. Ftoheni të ofertoni me çmime të arsyeshme sipas tregut aktual të Kosovës dhe të prezantoni në dosjet e juaja të ofertave të gjitha dokumentacionin e kërkuar. Ofertuesi i suksesshëm do të njoftohet për proceduar e nënshkrimit të kontratës, në të cilën kontratë do të parashihen të gjitha proceset e mbarëvajtjes së punimeve.
Data e publikimit të ofertës: 19 mars 2024, Prishtinë
