Prishtinë, më 14 dhjetor 2022
Një delegacion i lartë i Dijanetit të Turqisë i udhëhequr nga zv/ kryetari Selim Argun, po vazhdon ditën e dytë të qëndrimit në Kosovë.
Nën shoqërimin e Kryeimamit të Kosovës, Vedat ef. Sahiti, zv/kryetari i Dijanetit të Turqisë vizitoi Medresenë e Mesme “Alauddin” me seli në Prishtinë.
Argun u prit nga drejtori i kësaj shkolle, Fadil Hasani dhe stafi akademik i saj, ku u njoftua për së afërmi për punën, angazhimin, sukseset dhe kushtet që ofron kjo shkollë.
Drejtori i kësaj shkolle e informoi për procesin mësimorë që zhvillohet në Medresenë Alauddin dhe lëndët mësimore që mësohen në këtë shkollë. Po ashtu drejtori i Medresesë, e njoftoi edhe për historikun e kësaj shkolle, duke veçuar rolin e saj fetaro arsimor dhe kontributin e kësaj shkolle gjatë luftës së fundit në vend.
Nën shoqërinë e Kryeimamit të Kosovës, Drejtorit të Medresesë, zv/kryetari Dijanetit të Turqisë, vizitoi disa prej hapësirave të kësaj shkolle me çka u nda jashtëzakonisht i kënaqur me kushtet që ofron, por edhe me sukseset e dëshmuara të medresantëve.
Gjatë kësaj vizite, Selim Argun bashkëbisedoi edhe me nxënësit e kësaj shkolle për tema të cilat u interesuan nxënësve të kësaj shkolle.
![](https://i0.wp.com/bislame.net/wp-content/uploads/2022/12/FB_IMG_1671044584787.jpg?resize=850%2C638&ssl=1)
![](https://i0.wp.com/bislame.net/wp-content/uploads/2022/12/FB_IMG_1671044597313.jpg?resize=850%2C638&ssl=1)
![](https://i0.wp.com/bislame.net/wp-content/uploads/2022/12/FB_IMG_1671044602213.jpg?resize=850%2C638&ssl=1)
![](https://i0.wp.com/bislame.net/wp-content/uploads/2022/12/FB_IMG_1671044604478.jpg?resize=850%2C638&ssl=1)
![](https://i0.wp.com/bislame.net/wp-content/uploads/2022/12/FB_IMG_1671044607218.jpg?resize=850%2C638&ssl=1)
![](https://i0.wp.com/bislame.net/wp-content/uploads/2022/12/FB_IMG_1671044612165.jpg?resize=768%2C1024&ssl=1)
![](https://i0.wp.com/bislame.net/wp-content/uploads/2022/12/FB_IMG_1671044594365.jpg?resize=850%2C638&ssl=1)