Bashkësia Islame e Kosovës shpërndau 50 çanta me materiale shkollore për fëmijët e Hanit të Elezit

Prishtinë, 03 dhjetor 2018

Kryesia e Bashkësisë Islame të Kosovës, nëpërmjet shoqatës së saj bamirëse “Bereqeti”, shpërndau 50 çanta me materiale shkollore për fëmijët e shkollave fillore të Hanit të Elezit. Realizimi i këtij projekti erdhi i rezultat i bashkëpunimit të Bashkësisë Islame të Kosovës dhe Qeverisë së Dubait, respektivisht Organizatës për Humanitet dhe Bamirësi “Muhamed bin Rashid al Maktum”. Kryetari i Këshillit të Bashkësisë Islame të Hanit të Elezit z. Musa Vila falënderoi Kryesinë e BIRK-ut për këto ndihma, të cilat i quajti shumë të domosdoshme për këta nxënës. Këto çanta u shpërndanë në degët e shkollës “Ilaz Thaçi” në fshatrat Seçisht dhe Krivenik. Vlera e një çante është afër 30 euro.

 Nga ana e tij drejtori i shoqatës “Bereqeti”, z. Fitim Flugaj tha se aksioni me shpërndarje të këtij donacioni  do të vazhdojë në tërë territorin e Kosovës, në afro 100 fshatra të thella të Kosovës, më konkretisht në tetë komuna, kryesisht në zonat rurale, me qëllimin e vetëm që këta fëmijë ta ndiejnë vetën të inkurajuar për mësim.

Shfaq më shumë në Bereqeti

Shfleto

Mbi 20 ton mish kurbani shpërndahen për dy ditë për nder të festës së Kurban Bajramit

Prishtinë, 1 gusht 2020Kryesia e Bashkësisë Islame të Kosovës sikur herëve tjera edhe këtë…