Myftiu Tërnava priti kryetarin e Shoqatës Pan-Shqiptare “Vatra” Gjon Buçaj

Prishtinë, 26 nëntor 2014
Myftiu i Kosovës, Mr. Naim Tërnava priti kryetarin e Shoqatës Pan-Shqiptare Amerikane “Vatra”, z. Gjon Buçaj. Pasi i dëshiroi mirëseardhje, myftiu e njohu atë me historikun, arritjet, suksese e sfidat e BIK. Tërnava, po ashtu, vuri në pah rolin dhe kontributin që ka luajtur Vatra në SHBA, së pari në organizmin e mërgatës shqiptare, pastaj në ruajtën e kulturës, gjuhës e traditës, si dhe për angazhimin që ka pasur në vazhdimësi në të mirë të çështjes kombëtare.

Myftiu Tërnava shprehu edhe vlerësimin e BIK dhe vlerësimin e tij personal për kontributin që ka dhënë “Vatra” për Kosovën në qarqet amerikane.

Kryetar i Shoqatës Pan-shqiptare, “VATRA”, z. Gjon Buçaj  vlerësoi rolin dhe kontributin e Bashkësisë Islame të Kosovës në çështjet shqiptare, sidomos z. Buçaj vlerësoi lartë kontributin e BIK dhe të vet myftiut për kultivimin e harmonisë, mirëkuptimit e bashkëjetëses ndërfetare te shqiptarët.
Myftiu Tërnava dhe kryetari Buçaj u dakorduan që në të ardhmen të bashkëpunojnë edhe më shumë në të mirë të atdheut e kombit si amanet i të parëve tanë.

Shfaq më shumë në Lajme

Shfleto

Kryesia e BIRK-ut shqyrtoi rrethanat lehtësuese lidhur me pandeminë COVID-19

Prishtinë, 29 shtator 2020 Në mbledhjen e fundit Kryesia e  Bashkësisë Islame të Republikë…