16 shkurt 2021

Të dashur qytetarë,

Vëllezër e motra!

Nesër, më 17 shkurt, populli i Kosovës ka festën më të rëndësishme, atë të Ditës së Pavarësisë së vendit tonë, Republikës së Kosovës, e cila nesër mbush 13 vjet të funksionimit e të shtetësisë si Republikë e lirë, e pavarur dhe demokratike.

Liria e mëvetësia e vendit tonë ka qenë projekt i gjeneratave pararendëse, mirëpo deshi i Madhi Zot, që kjo të jetësohet me ndihmën dhe mbështetjen e miqve dhe aleatëve tanë, pikërisht më 17 shkurt 2008.

Përveç që e bën krenar popullin e Kosovës, kjo datë, e radhitë atë në mesin e popujve të lirë e sovran, si dhe kontribuues për ndërtimin dhe forcimin e paqes dhe të sigurisë.

Në prag të festës më të madhe për vendin tonë, më lejoni që të kujtojmë me respekt e pietet të gjithë dëshmorët, martirët dhe aktivistët, të cilët u angazhuan e kontribuuan që të jetësohet pavarësia e vendit tonë. Po ashtu, më lejoni që të shpreh edhe një herë falënderimin dhe konsideratën tonë për miqtë e aleatët tanë që e mbështetën kauzën tonë të drejtë.

Sot, Kosova është rrëfim i suksesshëm, faktor stabilizues në rajon dhe vend i sigurt për të gjithë qytetarët e saj.

Në këtë ditë feste, më lejoni që në emër të Bashkësisë Islame të Kosovës, institucioneve të saj dhe në emrin tim personal, t’ju drejtohem me mesazh urimi për të gjithë qytetarët e Republikës së Kosovës, dhe jo vetëm, por edhe për të gjithë shqiptarët kudo që gjenden me përgëzimet më të mira, duke lutur Zotin e Madhëruar që të na japë mbarësi në shtetin tonë të lirë e sovran.

Myftiu i Kosovës

Naim ef. Tërnava

Shfaq më shumë në Lajme

Shfleto

Myftiu Tërnava priti në takim ambasadorin jorezident të Katarit, z. Jabor Ali Hussein al Hawashela al Dosari

Prishtinë, më 23 shkurt 2024 Kryetari i Bashkësisë Islame të Kosovës, Myftiu Naim ef. Tërn…