U mbajt programi “Xhamitë dhe nëpunësit fetar”

1 nëntor 2019

Mbrëmë në Prizren, në institutin “Yunus Emre”, u mbajt programi fetaro-kulturor me temën “Xhamitë dhe nëpunësit fetar”, i organizuar nga zyra për çështje fetare pranë Ambasadës së Republikës së Turqisë në bashkëpunim me Bashkësinë Islame të Kosovës.

Në këtë program morën pjesë këshilltari i Myftiut të Kosovës, Vedat ef. Sahiti, ambasadori i Turqisë në Kosovë, Cagri Sakar, konsulli Serdar Ozaydin, ish-deputetët e Kosovës, z. Fikrim Damka e znj. Muferah Sinik, kryetari i Mamushës, Abdulhadi Krasniqi, si dhe përfaqësues të institucioneve turke nga TIKA dhe MEARIF.

Programi filloi me leximin e një pjese nga Kurani fisnik, të cilën e lexoi hafëz Daut Lezi.

Këshilltari i Myftiut, Vedat ef. Sahiti, në fjalën e tij drejtuar të pranishmëve theksoi rolin e pazëvendësueshëm të xhamive në edukimin e brezave dhe ngritjen morale e shpirtërore të shoqërisë.

Ndërkaq, ambasadori i Turqisë në Kosovë, Cagri Sakar tha se xhamitë janë vende të shenjta, nga ku marrim mësimet e drejta fetare, janë vende në të cilat kultivohet atdhedashuria dhe mësohet morali i pastër.

Më pas programi vazhdoi me këndimin e kasideve nga nxënësit e institutit të hifzit “Emin Pasha” në Prizren, ndërsa duanë e hatmes për ulematë tanë e bëri kryetari i KBI të Prizrenit, Besim ef. Berisha.

Shfaq më shumë në Lajme

Shfleto

“Bereqeti” në Drenas ndihmon familjet me jorganë, jastëk dhe batanije

Shoqata Humanitare Bamirëse “Bereqeti”, dega në Drenas, ka dhuruar zhvilluar aksion humani…