Rihapen xhamitë në tërë Kosovën

Prishtinë, 28 maj 2020
Që nga sot të gjitha xhamitë e Republikës së Kosovës janë rihapur për praktikimin me rregullt të riteve fetare (pesë kohët e namazit dhe xhumaja). Me këtë rast Kryetari i Bashkësisë Islame të Kosovës që më në fund të gjithë besimtarët do të mund të kryejnë adhurimet e ibadetet në xhami dhe ka falënderuar të gjithë qytetarët për respektin dhe kulturën e treguar në respektimin e masave dhe udhëzimeve të BIRK-u dhe institucionet shëndetësore. Ai tha se qytetarët e veçanërisht xhematin i kuptuan drejtë sepse mbi të gjitha është shëndetit publik Ai po ashtu falënderon Zotin që kjo pandemi është menaxhuar mirë dhe së bashku kemi arritur që të kalojmë këtë pandemi COVID-19 me sa më pak pasoja. Me këtë rast Bashkësia Islame e Kosovës rekomandon besimtarët që gjatë prezencës në xhami të vazhdojnë t’i përmbahen masave të përcaktuara nga Ministria e Shëndetësisë dhe ISHPK-ja, në koordinim me Bashkësinë Islame të Kosovës, për parandalim të përhapjes së mëtejme të virusit, i cili edhe më tej vazhdon të jetë prezet në Kosovë.

Masat që duhet të vazhdojnë të respektohen për prezencë në xhami, janë:

  1. Të merret abdes në shtëpi,
  2. Të vendosen maskat,
  3. Të ketë dezinfektues duarsh në xhami,
  4. Të mbahet distanca sociale,
  5. Të mos ketë tubime tjera përveç namazit (nuk do te ketë tubime me nxënës të mësim-besimit, nuk do të ketë ligjërata me përjashtim të hutbes së xhumasë),
  6. Ligjërata e xhumasë mos të zgjatet më tepër se 10 minuta,
  7. Të mos shfrytëzohen abdes-hanet dhe tualetet e përbashkëta.
  8. Besimtarët e shtyrë në moshë, ata me sëmundje kronike si dhe ata që kanë simptoma të virusit të mos shkojnë ne xhami.

Të gjitha këto masa duhet të respektohen deri te një vendim i radhës për të cilin do të njoftojmë me kohë.

Po ashtu me kohë janë dezinfektuar të gjitha xhamitë, pastrimi e tepihëve dhe xhamave të xhamisë, objekteve përcjellëse, sallave të mësimit, zyreve, abdest-hanes, toaleteve etj.

Shfaq më shumë në Lajme

Shfleto

BIK pranoi një donacion me pajisje mbrojtëse nga Komiteti Ndërkombëtar i Kryqit të Kuq

Prishtinë, 03 korrik 2020 Kryesia e Bashkësisë Islame të Kosovës ka pranuar sot një donaci…