Një delegacion i lartë nga qeveria e Emirateve të Bashkuara Arabe po viziton Bashkësinë Islame të Kosovës

Prishtinë, 26 shkurt 2020

Me ftesë të Kryetarit të Kryesisë së Bashkësisë Islame të Kosovës, Myftiut Naim ef. Tërnava, një delegacioni i kryesuar nga dr. Mirza As Saeg, shef i kabinetit të ministrit të Financave të Emirateve të Bashkuara Arabe( EBA) dhe njëherësh edhe anëtar i fondacionit “Al Maktoum”, po viziton Bashkësinë Islame të Kosovës. Në pritje të delegacionit në aeroportin ndërkombëtar “Adem Jashari” doli Myftiu Tërnava me stafin e tij. Ai i dëshiroi mirëseardhje dhe qëndrim të këndshëm në Kosovë. Myftiu Tërnava pasi i dëshiroi mirëseardhje delegacionit të kryesuar nga dr. Mirza, shprehu falënderim për udhëheqësin dhe për popullin e EBA-së, që i kanë ofruar ndihmë popullit të Kosovës që nga para lufta dhe pas luftës për ngritjen e infrastrukturës së BIRK-ut e veçanërisht falënderoi dr. Mirzanë, i cili ka qenë aktiv drejtpërdrejt në realizimin e këtyre projekteve. Myftiu ka veçuar me falënderim ministrin e Financave të EBA-së, sheikun Hamdan bin Rashed Al Mektum, për përkrahjen e ofruar BIRK-ut për realizimin e projekteve të ndryshme.

Nga ana e tij, dr. Mirza As Saeg, shef i kabinetit të ministrit të Financave të Emirateve të Bashkuara Arabe( EBA) dhe njëherësh anëtar  i fondacionit “Al Maktoum”, në emër të delegacionit, falënderoi Myftiun Tërnava për mikpritjen duke konfirmuar qëndrimin zyrtar të EBA-së dhe për vazhdimësinë e përkrahjes së Kosovës, si dhe cilësoi marrëdhëniet mes dy vendeve si të shkëlqyeshme.

Gjatë ditës delegacioni nga EBA-ja do të udhëtojnë për në Kamenicë, ku në mënyrë solemne do të bëhet përurimi i projektit –ndërtesës së Këshillit të BI-së së Kamenicës, kurse pas kësaj do të shkojnë në Kaçanik, ku do të përurojnë objektin e ndërtuar për nevoja të KBI-së së Kaçanikut dhe të qytetarëve.

Nesër delegacioni qëndrojnë në Kryesinë e BIRK-ut, pastaj do të vizitojnë Malishevën, Rahovecin, Pejën dhe më pas do të shkojnë te varrezat e Familjes Jashari, për të kujtuar dhe nderuar sakrificën e saj të madhe për liri dhe pavarësi. 

Shfaq më shumë në Lajme

Shfleto

Myftiu Tërnava priti në takim sekretarin e Qendrës Islame Kulturore Shqiptare në Nju-Jork, Ferid ef. Bedrollin

Prishtinë, 23 shtatorKryetari i Bashkësisë Islame të Kosovës, Myftiu Naim ef. Tërnava, i s…