Mbahen garat e Kuranit për hafëze në Jordan

Prishtinë, 18 mars 2019

Nga data 09 deri më 14 mars, në Mbretërinë Hashimite të Jordanit, u mbajt edicioni i 14-të i Garave Ndërkombëtare të Kuranit për femra. Bashkësia Islame e Kosovës për herë të parë në këto gara u përfaqësua nga një hafëze, znj. Vildane Zeqiri.

Vildane Zeqiri shprehet e nderuar dhe e privilegjuar për përfaqësimin e Bashkësisë Islame të Kosovës në këto gara. “Falënderoj fillimisht Allahun fuqiplotë për të gjitha mirësitë dhe sukseset, e pastaj një falënderim të veçantë ua dedikojë të gjithë atyre që ishin shtytës e mbështetës për të arritur deri te ky synim, e një falënderim të veçantë ia dedikojë edhe Fakultetit të Studimeve Islame, të cilët më kanë mbështetur në çdo moment. Për mua ka qenë nder dhe privilegj të jem prezantuese e Bashkësisë Islame të Kosovës në këto gara, në të cilat morën pjesë 40 shtete garuese nga e gjithë bota. Ndjehem e gëzuar për pjesëmarrjen për herë të parë të Kosovës në këto gara, sepse tashmë të gjithë pjesëmarrësit kanë sadopak njohuri rreth Kosovës dhe popullit të saj.”

Përfaqësuesja e Kosovës, hafëze Vildane Zeqiri, në këto gara u dekorua me një mirënjohje, të cilën ia dhuroi kryetari i Vakëfit, Abdunasir abu Basar, i cili shprehu mirënjohje dhe falënderim të veçantë për pjesëmarrjen e Kosovës në këto gara.

Vendin e parë në këto gara e zuri Sudani, të dytin Filipinet, ndërsa të tretin Turqia.

Shfaq më shumë në Lajme

Shfleto

Certifikohen 130 nxënës të Akademisë se Kuranit “Hifdh Kids”

Prishtinë, më 12 gusht 2022 Me rastin e këtij manifestimi, kryeimami i Bashkësisë Islame t…