Në fshatin Fshati i Ri të Vitisë u vu gurthemeli i xhamisë së re Prishtinë, më 10 mars 2023 Këshilli i Bashkësisë Islame të Vitisë ka organizuar sot ceremoninë e vënies së gurthemelit të xhamisë në fshatin Fshati i Ri. Në këtë ceremoni morën pjesë banorët e fshatit, imamët e Këshillit të BI-së së Vitisë, si dhe përfaqësuesit institucional të Komunës së Vitisë, në krye me zv.kryetarin e Komunës dhe me përfaqësuesin e Kuvendit Komunal. Në emër të Kryesisë së Bashkësisë Islame të Kosovës, në këtë ceremoni mori pjesë kryeimami i Bashkësisë Islame të Kosovës, Vedat ef. Sahiti, i cili uroi banorët e Fshatit të Ri për xhaminë e re, duke falënderuar kështu donatorin, z. Ajet Doberjanca me djemtë e tij, të cilët kanë marrë përsipër të gjithë ndërtimin e xhamisë në vendlindjen e tyre.
