Më 28 mars, kryetari i Kryesisë së Bashkësisë Islame të Republikës së Kosovës, Myftiu Naim ef. Tërnava, i shoqëruar nga drejtori për Diasporë Ekrem ef. Simnica dhe zv.kryeimami Fatmir ef. Iljazi, vizitoi Këshillin e Bashkësisë Islame në Fushë Kosovë, ku u prit nga kryetari i Këshillit Pajazit ef. Tërnava me bashkëpunëtorë.
Myftiu Tërnava u njoftua për aktivitetet dhe gjendjen aktuale në KBI-në Fushë Kosovë, për jetën fetare dhe aktivitet e tjera në komunën e Fushë Kosovës.
Gjatë këtij takimi, Myftiu Tërnava ndër të tjera foli për rolin dhe kontributin e rëndësishëm të BIK-ut në shoqëri dhe falënderoi të gjithë imamët për kontributin e tyre, duke kërkuar angazhim maksimal në shërbim të qytetarëve.
