Prishtinë, më 4 mars 2023
Sot, kryetari i Bashkësisë Islame të Kosovës, Myftiu Naim ef. Tërnava, i shoqëruar nga bashkëpunëtorët e tij, sot ka vizituar tri xhami të ndryshme në Kosovë, të cilat u ndërtuan, përkatësisht u rindërtuan nga shteti i Kuvajtit.
Myftiu Tërnava u shpreh tejet i kënaqur me ndërtimin, përkatësisht rindërtimin e këtyre xhamive, për të cilat tha se do ta lehtësojnë kryerjen e ibadeteve fetare nga banorët e këtyre vendeve.
Xhamitë e reja, të ndërtuara, përkatësisht të rindërtuara janë xhamia e fshatit Henc, komuna e Fushë Kosovës, xhamia e rindërtuar në fshatin Kishnarekë të Drenasit dhe xhamia e fshatit Strellc i Poshtëm, komuna e Deçanit.
