Prishtinë, më 5 qershor 2024
Kryetari i Bashkësisë Islame të Kosovës, Myftiu Naim ef. Tërnava, ka pritur sot në takim zëvendësministrin e Ministrisë së Punës dhe Mirëqenies Sociale të Turqisë, z. Adnan Ertem.
Myftiu Tërnava gjatë këtij takimi përmendi bashkëpunimin e mirë që kanë si institucion me DIJANET-in, Drejtorinë e Përgjithshme të Vakëfeve, TIKA-n dhe me organizata të tjera të Turqisë, duke i falënderuar kështu për ndihmën dhe mbështetjen e vazhdueshme që kanë dhënë. Ai shfrytëzoi rastin që të falënderojë z. Ertem për punën dhe angazhimin e tij të mëhershëm si drejtor i Përgjithshëm i Vakëfeve të Turqisë në restaurimin e xhamive të vjetra në Kosovë. Ai tha se Drejtoria e Vakëfeve e Turqisë ka dhënë një kontribut të jashtëzakonshëm në restaurimin e objekteve fetare me rëndësi në vendin tonë, dërgimin për shërim të të sëmurëve në Turqi, si dhe dërgimin e pakove ushqimore për familjet nevojtare.
Nga ana e tij, zëvendësministri z. Ertem, fillimisht falënderoi Myftiun Tërnava për pritjen, e më pas ia rikonfirmoi edhe njëherë gatishmërinë për një bashkëpunim të mëtutjeshëm.
![](https://i0.wp.com/bislame.net/wp-content/uploads/2024/06/447641186_861166732715697_9038173270460695786_n.jpg?resize=850%2C567&ssl=1)
![](https://i0.wp.com/bislame.net/wp-content/uploads/2024/06/447875978_861166749382362_4413582164346036291_n.jpg?resize=850%2C567&ssl=1)
![](https://i0.wp.com/bislame.net/wp-content/uploads/2024/06/444944886_861166716049032_4900906303364400507_n.jpg?resize=850%2C567&ssl=1)
![](https://i0.wp.com/bislame.net/wp-content/uploads/2024/06/444964604_861166829382354_795371782707986964_n.jpg?resize=850%2C567&ssl=1)