Myftiu Tërnava priti në takim shefin e EULEX-it, Lars-Gunnar Wigemark

Prishtinë, 19 mars 2021

Kryetari i Bashkësisë Islame të Kosovës, Myftiu Naim ef.Tërnava priti në takim shefin e Misionit të Bashkimit Evropian për Sundimin e Ligjit në Kosovë, EULEX, z. Lars-Gunnar Wigemark.

Myftiu Tërnava falënderoi shefin e EULEX-it, Lars-Gunnar Wigemark për vizitën në BIK, vizitë kjo e para e tij pas emërimit në krye të këtij Misioni, dhe njëherësh edhe i uroi sukses në këtë detyrë. Fillimisht Myftiu tha se Bashkësia Islame vlerëson e çmon lart punën që bënë EULEX në zbatimin e ligjit dhe rendit në Kosovë.

Myftiu gjithashtu njoftoi shefin e EULEX-it, Lars-Gunnar Wigemark, për organizimin dhe funksionimin e BIK-ut, si dhe me sfidat me të cilat ballafaqohet BIK-u sidomos në pandeminë globale CIVID-19, duke potencuar se në të gjitha institucionet e BIK-ut është duke u respektuar protokolli për COVID-19. Ai njëherësh bëri lutje që sa më shpejtë të kalohet kjo pandemi dhe që bota të kthehet në gjendje normale.

Nga ana e tij shefi i EULEX-it, Lars-Gunnar Wigemark, falënderoi Myftiun Tërnava për pritjen duke potencuar rolin tepër konstruktiv që ka luajtur Myftiu Tërnava dhe BIK-u në përgjithësi që Kosova të jetë vend i tolerancës dhe harmonisë fetare. Gjate takimit u diskutua edhe për marrëdhëniet ndërfetare në Kosovë si dhe për bashkëpunimin ndërmjet komuniteteve fetare.

Shfaq më shumë në Lajme

Shfleto

Kryeimami Sahiti priti në takim z. Omer Kajoshajn

Prishtinë, 18 tetor 2021 Kryeimami i Bashkësisë Islame të Kosovës, Vedat ef. Sahiti, priti…