Prishtinë, më 16 shkurt 2024
Kryetari i Bashkësisë Islame të Kosovës, Myftiu Naim ef. Tërnava, priti sot në takim anëtaren e Parlamentit të Britanisë së Madhe, znj. Fiona Bruce, e cila njëherësh është përfaqësuese speciale e kryeministrit të Britanisë për liritë fetare dhe besimin.
Myftiu Tërnava fillimisht i uroi mirëseardhje znj. Bruce në institucionin e Bashkësisë Islame të Kosovës, e më pas e njohu atë me punët dhe angazhimet e këtij institucioni. Ai tha se Bashkësia Islame e Kosovës është institucioni më i madh fetar në Kosovë, andaj si i tillë ka luajtur një rol kyç në kultivimin e tolerancës dhe bashkëjetesës fetare në vend. “Kosova është një shembull për të gjithë për bashkëjetesë dhe tolerancë ndërfetare. Ne si popull, edhe pse i përkasim tri besimeve fetare, nuk kemi pasur asnjëherë asnjë konflikt ndërfetar ndërmjet vete” – tha ndër të tjera Myftiu Tërnava.
Nga ana e saj, znj. Fiona Bruce, falënderoi Myftiun Tërnava për pritjen dhe për angazhimin e tij dhe të institucionit që ai drejton për mbarëvajtjen e jetës fetare në Kosovë.
Gjatë këtij takimi po ashtu u diskutua edhe për Projektligjin për Liritë Fetare, si dhe për kontributin e bashkësive fetare për rehabilitimin e viktimave të dhunës seksuale gjatë luftës së fundit në Kosovë.
![](https://i0.wp.com/bislame.net/wp-content/uploads/2024/02/427731325_790118053153899_1765905670348630786_n.jpg?resize=850%2C567&ssl=1)
![](https://i0.wp.com/bislame.net/wp-content/uploads/2024/02/426649078_790118089820562_6390041206067430968_n.jpg?resize=850%2C561&ssl=1)
![](https://i0.wp.com/bislame.net/wp-content/uploads/2024/02/426613465_790118139820557_5243459824270339408_n.jpg?resize=850%2C567&ssl=1)
![](https://i0.wp.com/bislame.net/wp-content/uploads/2024/02/427740102_790118176487220_1108854570225241676_n.jpg?resize=850%2C571&ssl=1)
![](https://i0.wp.com/bislame.net/wp-content/uploads/2024/02/428490842_790118223153882_7495719677672298997_n.jpg?resize=850%2C567&ssl=1)