Prishtinë, më 29 janar 2024

Kryetari i Bashkësisë Islame të Kosovës, Myftiu Naim ef. Tërnava, ka pritur sot në takim nënkryetarin e Komunës së Fushë Kosovës, z. Besnik Osmanin, i cili shoqërohej nga kryesuesi i Kuvendit Komunal të Fushë Kosovës, z. Ali Ismaili.

Gjatë këtij takimi u diskutua për bashkëpunimin e mirë që ka Komuna e Fushë Kosovës me Bashkësinë Islame të Kosovës dhe me Këshillin e BI-së së Fushë Kosovës, për çka të dyja palët u pajtuan se një gjë e tillë duhet të vazhdohet edhe në të ardhmen, gjithnjë për të mirën e besimtarëve dhe qytetarëve tanë.

Nga ana e tyre, nënkryetari Osmani dhe kryesuesi Ismaili, shfrytëzuan rastin që të urojnë Myftiun Tërnava për rizgjedhjen e tij në krye të institucionit të Bashkësisë Islame të Kosovës, duke i dëshiruar punë të mbarë dhe të suksesshme.

Shfaq më shumë në Aktuale

Shfleto

Përfundoi aksioni i shpërndarjes së mishit të kurbanit

Prishtinë, më 10 korrik 2024 Rreth 20 mijë kurbane janë therur dhe janë shpërndarë nga Bas…