Prishtinë, 15 maj 2018
Kryetari Bashkësisë Islame të Kosovës, Myftiu Naim Tërnava priti në takim Mehmet Zenginin, inspektor në Diyanetin e Turqisë. Në këtë takim Myftiu Tërnava e njohu mysafirin me përgatitjet e BIK-ut për pritjen sa më mirë të muajit të bekuar të Ramazanit dhe falënderoi Diyanetin e Turqisë, qeverinë dhe presidentin turk për ndihmën që po i japin popullit të Kosovës.
Nga ana e tij, mysafiri falënderoi Myftiun Tërnava për mikpritjen dhe shprehu konsideratën për punën dhe angazhimin e BIK-ut për organizimin dhe mbarëvajtjen e jetës fetare në Kosovë.
