1 nëntor 2019
Kryetari i Bashkësisë Islame të Kosovës, Myftiu Naim ef. Tërnava, priti në takim drejtorin e Zyrës Rajonale të Ligës së Botës Islame dhe të Organizatës Ndërkombëtare për Ndihmë, Kujdes dhe Zhvillim, në Ballkan dhe në Evropën Lindore, z. Abdullah Rahmetullah Qari-n. Me këtë rast, Myftiu Tërnava falënderoi mysafirin për vizitën duke çmuar kontributin dhe angazhimin e Ligës së Botës Islame dhe të Organizatës Ndërkombëtare për Ndihmë, Kujdes dhe Zhvillim, në Ballkan dhe Evropën Lindore, për procese në Kosovë dhe për projektet e përbashkëta që i kanë me Kryesinë e BIRK-ut.
Nga ana e tij, drejtori i Zyrës Rajonale të Ligës së Botës Islame dhe të Organizatës Ndërkombëtare për Ndihmë, Kujdes dhe Zhvillim, në Ballkan dhe Evropën Lindore, z. Abdullah Rahmetullah Qari, shprehu falënderime për rolin dhe kontributin që është duke dhënë Myftiu Tërnava dhe BIRK-u në proceset nëpër të cilat po kalon Kosova dhe për rolin e tij që Kosova të jetë një vend me harmoni dhe tolerancë fetare mes komuniteteve që jetojnë në të. Ai më pas premtoi se bashkëpunimi do të intensifikohet edhe më në të mirë të qytetarëve të Kosovës.
