Myftiu Tërnava priti në takim ambasadorin e Italisë, z. Nicola Orlando

Prishtinë, 17 qershor 2020

Kryetari i Bashkësisë Islame të Kosovës, Myftiu Naim ef. Tërnava priti në takim ambasadorin italian në Prishtinë, z. Nicola Orlando. Myftiu Tërnava fillimisht i uroj mirëseardhje ambasadorit italian, duke i uruar shëndet dhe punë të mirë.
Në këtë takim u diskutua për bashkëpunimin që Kryesia e Bashkësisë Islame në Kosovë ka me Ambasadën e Italisë, por edhe për mundësitë̈ që ky bashkëpunim të thellohet akoma më shumë.
Me theks të veçantë, në këtë takim u diskutua për situatën aktuale nga pandemia globale ‘Covid -19’, një situatë aspak e lehtë për dy shtetet. Mes tjerash u diskutua edhe për mënyrat se si Bashkësia Islame e Kosovës dhe Ambasada e Italisë në Kosovë mund të kontribuojnë në parandalimin e përhapjes së kësaj pandemie.
Me këtë̈ rast, Tërnava i shprehu ngushëllimet e tij për qytetarët italianë që kanë ndërruar jetë nga pandemia ‘Covid – 19’, duke lutur Zotin që të gjithë të infektuarit të shërohen sa më shpejtë.
Nga ana e tij ambasadori i Italisë z.Nicola Orlando, falënderoi Myftiun Tërnava për mikpritjen dhe bashkëpunimin shumë të mirë që kanë me BIRK-un në të mirë të qytetarëve duke vënë theksin e veçantë mbi rolin dhe kontributin që ka dhënë BIRK në përhapjen e kulturës dhe frymës së tolerancës, respektin mes komuniteteve fetare që jetojnë në Kosovë dhe ofroi mundësinë e bashkëpunimit në fushën e konservmit të trashëgimisë kulturore në Kosovë.
Në fund të takimit, Kryesia e Bashkësisë Islame të Kosovës dhe Ambasada Italiane në Prishtinë, u pajtuan që bashkëpunimi mes dy institucioneve të thellohet edhe më shumë në të mirë të qyetetarëve.

Shfaq më shumë në Lajme

Shfleto

BIK pranoi një donacion me pajisje mbrojtëse nga Komiteti Ndërkombëtar i Kryqit të Kuq

Prishtinë, 03 korrik 2020 Kryesia e Bashkësisë Islame të Kosovës ka pranuar sot një donaci…