Prishtinë, më 5 prill 2022

Me ftesë të emirit të Katarit, Temim al-Thani, kryetari i Bashkësisë Islame të Kosovës, Myftiu Naim ef. Tërnava, po qëndron për një vizitë zyrtare në Katar.
Gjatë kësaj vizite, ai sot u prit në takim nga ministri për Vakëfe dhe Çështje Fetare, Ganim bin Shahin al-Ganimi.
Fillimisht, Myftiu Tërnava uroi nikoqirin për postin e ministrit të Vakëfeve dhe Çështjeve Fetare, duke i dëshiruar punë të mbarë dhe të suksesshme në detyrën e re, e më pas falënderoi paraardhësin e tij, ministrin Al-Kavari për bashkëpunimin e shkëlqyer, duke theksuar edhe rëndësinë e thellimit të këtij bashkëpunimi në të ardhmen.
Myftiu edhe njëherë falënderoi Qeverinë dhe popullin e Katarit për përkrahjen dhe ndihmën që i kanë dhënë Kosovës dhe popullit të saj gjatë dekadave të fundit.
Më pas, Myftiu Tërnava e njohu ministrin me projektet dhe me sfidat që ka Bashkësia Islame e Kosovës. Një falënderim të veçantë, Myftiu e adresoi për ministrin Al-Ganimi, për financimin e dy projekteve vakëfnore, atë në Gjilan dhe në Lipjan.
Ndërkaq, ministri Al-Ganimi, i dëshiroi mirëseardhje Myftiut Tërnava dhe delegacionit shoqërues, duke konfirmuar kështu vazhdimin e thellimit të bashkëpunimit ndërmjet dy institucioneve. Ministri Al-Ganimi çmoi lart kontributin e Myftiut Tërnava dhe të Bashkësisë Islame të Kosovës, që Kosova të jetë një vend i paqes, tolerancës dhe harmonisë ndërfetare.
Në fund të takimit, të dyja palët shkëmbyen dhurata ndërmjet vete.
Myftiu Tërnava gjatë kësaj vizite po shoqërohet nga shefi i kabinetit, mr. Besim Mehmeti dhe zv.kryeimami Fatmir ef. Iljazi.

Shfaq më shumë në Lajme

Shfleto

Myftiu Tërnava priti në takim ambasadorin jorezident të Katarit, z. Jabor Ali Hussein al Hawashela al Dosari

Prishtinë, më 23 shkurt 2024 Kryetari i Bashkësisë Islame të Kosovës, Myftiu Naim ef. Tërn…