Prishtinë, 28 mars 2018
Kryetari i Bashkësisë Islame të Kosovës, Myftiu Naim ef. Tërnava me bashkëpunëtorë, mori pjesë në shënimin e 95-vjetorit të themelimit të Komunitetit Mysliman të Shqipërisë, që u mbajt në Tiranë. Në këtë ngjarje të rëndësishme merrte pjesë presidenti i Shqipërisë z. Ilir Meta, kryetari i KMSH-së H. Skender Bruçaj, Kryegjyshi Botëror i Bektashinjve Baba Edmond Brahimaj, përfaqësues të trupit diplomatik dhe të bashkësive fetare, klerikë, akademikë, profesorë, studiues, besimtarë etj.
Në këtë përvjetor jubile, presidenti i Republikës së Shqipërisë, z.Ilir Meta, i akordoi revistës “Zani i Naltë” titullin “Naim Frashëri” me motivacion “Në vlerësim të kontributit të saj të gjithanshëm në promovimin e dijes, historisë dhe besimit, duke u ofruar gjithë besimtarëve, krahas dijeve fetare, edhe mesazhe atdhedashurie, paqeje e mirëkuptimi në dobi të harmonisë dhe bashkëjetesës fetare mes shqiptarëve”, duke ia dorëzuar kreut të KMSH-së H. Skender Bruçaj.

Gallery Wordpress Myftiu Tërnava pasi mori fjalën tha se themelimi i KMSH-së siguroi nevojat themelore të besimtarëve në Shqipëri, ngriti institucionet kryesore dhe botoi literaturë në shërbim të fesë dhe kombit.“Komuniteti Mysliman ka qenë një promovues i përhershëm i atdhedashurisë, arsimit, kulturës dhe harmonisë ndërfetare. KMSH-ja vazhdon misionin e saj në fisnikërimin dhe edukimin e shoqërisë me vlera të larta të së drejtës, të së moralshmes dhe të së bukurës”,- tha Myftiu Tërnava.

Shfaq më shumë në Lajme

Shfleto

Myftiu Tërnava priti në takim ambasadorin jorezident të Katarit, z. Jabor Ali Hussein al Hawashela al Dosari

Prishtinë, më 23 shkurt 2024 Kryetari i Bashkësisë Islame të Kosovës, Myftiu Naim ef. Tërn…