Prishtinë, 31 janar 2018
Myftiu i Republikës së Kosovës, Naim ef. Tërnava, me bashkëpunëtorë dhe kryetari i Këshillit të Bashkësisë Islame të Suharekës, Halim ef. Shehu, takuan kryetarin e komunës së Suharekës z.Bali Muharremaj. Myftiu Tërnava falënderoi kryetarin Muharremaj për gatishmërinë e bashkëpunimit dhe uroi që punët t’i shkojnë mirë e mbarë gjatë mandatit të tij katërvjeçar.
Në këtë takim, të dy palët çmuan bashkëpunimin shumë të mirë që kanë shtruan nevojën e bashkëpunimit e më të madh në mes të këtyre dy institucioneve. Myftiu Tërnava çmoi kontributin e komunës së Suharekës dhe bashkëpunimin shumë të mirë që kanë me KBI-në në Suharekë dhe fokusimin e bashkëëpunimit në projekte që do të ndihmonin dhe lehtësonin jetën e qytetarit. Nga ana e tij, kryetari Muharremaj tha se ndihet kryetar i të gjithë qytetarëve dhe i konsideron njëjtë të gjitha bashkësitë fetare në komunë, se është i hapur për bashkëpunim me të gjithë dhe që do të ndihmojë të gjitha bashkësitë fetare brenda mundësitë që ka një kryetar komune.
![kksuhareka kksuhareka](https://i0.wp.com/bislame.net/wp-content/uploads/2018/02/kksuhareka.jpg?w=548&h=365&ssl=1)
![kksuhareka1 kksuhareka1](https://i0.wp.com/bislame.net/wp-content/uploads/2018/02/kksuhareka1.jpg?w=294&h=196&ssl=1)
![kksuhareka3 kksuhareka3](https://i0.wp.com/bislame.net/wp-content/uploads/2018/02/kksuhareka3.jpg?w=294&h=165&ssl=1)
Unë do të angazhohem që të ndaj mjete për pastrimin e të gjitha varrezave në komunën ë Suharekës, pasi kjo ka qenë edhe pjesë e programit tim elektoral,- shtoi kryetari Muharremaj.
Para se ta vizitonte kryetarin Bali Muharremaj, Myftiu Tërnava kishte vizituar Këshillin e Bashkësisë Islame të Suharekës.