Myftiu Tërnava dhe kryetari Erbash vizituan xhaminë “Sulltan Mehmet Fatih” Prishtinë, 18 nëntor 2018 Kryetari i Bashkësisë Islame të Kosovës, Myftiu Naim ef. Tërnava dhe kryetari i Dijanetit të Turqisë, prof. dr. Ali Erbash, pas takimit që patën në selinë e Kryesisë së Bashkësisë Islame të Kosovës, vizituan xhaminë “Sulltan Mehmet Fatih” në Prishtinë. Kjo xhami është ndërtuar me urdhër të Sulltan Mehmetit II, në vitin 865 hixhri (1460-61). Bazuar në monumentin, konstruksionin, mënyrën e ndërtimit dhe elementet dekorative radhitet ndër objektet më të rëndësishme të arkitekturës islame në Evropën Juglindore.
