Mesazh urimi për 28 Nëntor

Dita e Flamurit bart në vete ndjenjën e krenarisë e të ndërgjegjes sonë kombëtare, si dhe sakrificën, angazhimin, lavdinë e dinjitetin e popullit tonë, që pikërisht më 28 nëntor 1912, vendosën themelet e mëvetësisë e pavarësisë së atdheut e popullit tonë.
Edhe në këtë përvjetor të rëndësishëm për popullin tonë, kujtojmë me pietet ideatorët, prijësit, heronjtë e themeltarët e pavarësisë të të gjithë brezave, të cilët u angazhuan, vepruan e sakrifikuan për jetësimin e pavarësisë së trojeve tona. Respekt, shëndet, mbarësi e harmoni për të gjithë shqiptarët kudo që gjenden.
Zoti i bekoftë trojet tona!
Zoti e ruajtë popullin tonë!
Gëzuar Dita e Flamurit!
Gëzuar Dita e Pavarësisë!
Prishtinë, 28.11.2020
Myftiu i Kosovës,
Naim Tërnava

Shfaq më shumë në Njoftime

Shfleto

“Të Zotit jemi dhe tek Ai do të kthehemi”

Njoftojmë kolegët, miqtë dhe opinionin e gjerë, se sot, më 25 korrik 2022, ka ndërruar jet…