Me dhembje të thellë mësuam lajmin për kalimin në Ahiret të prijësit e udhëheqësit të Teqesë bektashiane në Gjakovë, shehut të nderuar Mumin Lama.
I ndjeri për shumë vite qe në krye të Teqesë, ku me përkushtim dha një kontribut të çmuar në edukimin dhe fisnikërimin e pasuesve të tarikatit bektashi. Sheh Mumini ishte njeri i urtë e intelektual, i pajisur me virtyte fisnike.
Si bashkëpunues e tolerant, ai ka kontribuar gjatë në aktivitetet e tij si drejtues i Teqesë, si dhe ka kontribuar në kultivimin e mirëkuptimit e harmonisë ndër-fetare tek ne e më gjerë. Do e kujtojmë përgjithmonë si një mik të dashur e të respektuar.
Me këtë rast ngushëlloj familjen e rahmetliut, Kryegjyshatën Botërore Bektashiane, si dhe drejtuesit e pasuesit e Teqesë së Bektashinjve në Gjakovë.
Zoti e pastë mëshiruar!
Myftiu i Kosovës
Naim ef. Tërnava
