Kryetari i Prishtinës, z. Përparim Rama uroi Myftiun Tërnava
Prishtinë, më 27 tetor 2023
Kryetari i Bashkësisë Islame të Kosovës, Myftiu Naim ef. Tërnava, ka pritur sot në takim kryetarin e Komunës së Prishtinës, z. Përparim Rama, i cili shoqërohej nga nënkryetari Alban Zogaj.
Kryetari Rama shfrytëzoi rastin që të uroi Myftiun Tërnava për rizgjedhjen e tij edhe për një mandat në krye të Bashkësisë Islame të Kosovës, duke i dëshiruar kështu punë të mbarë dhe të suksesshme. Ai tha se Komuna e Prishtinës mbetet e përkushtuar që të vazhdojë bashkëpunimin e mirë që ka me Bashkësinë Islame të Kosovës.
Nga ana e tij, Myftiu Tërnava, ndër të tjera falënderoi kryetarin Rama dhe nënkryetarin Zogaj për urimet e tyre, duke rikonfirmuar kështu gatishmërinë e tij dhe të institucionit që ai drejton që të kontribuojnë për qytetarët e këtij vendi, duke shtuar dhe duke vazhduar bashkëpunimin e mirë që ka me të gjithë kryetarët e komunave pa dallim, në funksion të realizimit të kërkesave të Bashkësisë Islame të Kosovës dhe të besimtarëve të vendit.
![](https://i0.wp.com/bislame.net/wp-content/uploads/2023/10/396717807_721456050020100_6039956854679376722_n.jpg?resize=850%2C560&ssl=1)
![](https://i0.wp.com/bislame.net/wp-content/uploads/2023/10/396529796_721456166686755_3014847943110046439_n.jpg?resize=850%2C567&ssl=1)
![](https://i0.wp.com/bislame.net/wp-content/uploads/2023/10/396710999_721456200020085_8611830723095520210_n.jpg?resize=850%2C552&ssl=1)
![](https://i0.wp.com/bislame.net/wp-content/uploads/2023/10/396720706_721456323353406_1826602212863975109_n.jpg?resize=850%2C554&ssl=1)