Prishtinë, më 18 gusht 2022
Kryetari i Dijanetit, dr. Ali ef. Erbash, i shoqëruar nga kryetari i Bashkësisë Islame të Kosovës, Myftiu Naim ef. Tërnava, takuan sot mualimet e Departamentit të Gruas së BIK-ut.
Kryetari i Bashkësisë Islame të Kosovës, Myftiu Naim ef. Tërnava, falënderoi shtetin e Turqisë dhe popullin e saj për punën madhore që kanë bërë dhe që po vazhdojnë ta bëjnë për popullin e Kosovës. Ai veçoi bashkëpunimin shumë të mirë që kanë me Dijanetin në fushën fetare, e në veçanti e falënderoi për ndihmën e ofruar për ndërtimin e Xhamisë Qendrore në Prishtinë.
“Puna dhe aktiviteti i mualimeve është i prekshëm dhe madhor me fëmijë e mosha të tjera që mësojnë leximin e Kuranit dhe i falenderoj për këtë aktivitet duke lutur që Zoti t’i shpërblejë” – tha Myftiu Tërnava.
Kryetari i Dijanetit, dr. Ali ef. Erbash tha se ndjehet i gëzuar që po e sheh që Kosova çdo herë e më shumë po lulëzon dhe përparon për të mirë.
“Bashkëpunimi me BIK-un do të thellohet edhe më në të mirë dy vendeve dhe ndjehem i privilegjuar që po mundem të ofrojë ndihmë vëllazërore për Kosovën dhe mirëqenien e popullit të saj” – tha dr. Ali ef. Erbash.
Ai po ashtu falenderoi Myftiun Tërnava për bashkëpunim dhe arritjet që i ka shënuar, kurse u ndje i inpresionuar me aktivitetin dhe punën e mualimeve dhe për punën e tyre sot po u dhurojmë nga një laptop për secilën për t’ua lehtësuar aktivitetin e mësim-besimit.
